Словенија ги легализираше истополовите бракови

by Фокус 22:34
22:34

Словенечкиот парламент вечерва ги легализираше истополовите бракови со тоа што го измени Законот за брак и семејство и ваквите бракови ги изедначи со хетеросексуалните.

Измените на Законот ги предложи опозициската партија Обединета левица и 51 пратеник биле за, а 28 гласале против. На легализацијата на истополовите бракови се противеле  демохристијанската партија Нова Словенија и Словенечката демократска партија на Јанез Јанша.

- Advertising -

Тие велат дека веројатно ќе се обидат да соберат потписи за референдум со кој ќе ја оспорат легализацијата на истополовите бракови, но поддржувачите на оваа измена велат дека веќе не е можно распишувањето референдум за законски решенија што се однесуваат на уставната рамноправност.

Со ова, Словенија стана првата поранешна југословенска република што ги легализирала истополовите бракови.

Поврзани новости