Следната недела Регулаторна ќе одлучува за поскапување на парното

Регулаторната комисија за поскапување на парното ќе одлучува на 29 јули откако трите компании за парно греење во Скопје поднесоа барање до РКЕ.

Во барањата доставени до Регулаторна комисија се бара поскапувањето да почне од 1 август.

Најголемо покачување на цената на парното бара ЕСМ Енергетика или т.н. железарско парно и тоа 64.79 отсто, Скопје Север бара за 15,54 отсто поскапи сметки, додека БЕГ бара најмало покачување 1,82%.

Во моментов, цената на природниот гас на светските берзи бележи значителен раст за повеќе од 50% во однос на цената на гасот лани кога се носеше одлуката за цената на парното. Практично, летната цена на природниот гас е повисока од зимската цена во 2020.

Во Скопје на парно се греат околу 60.000 домаќинства.