Скопјанка уапсена на помен кај сопругот, 10 години ја барале со потерница, треба да одлежи 17 години затвор

Откако полицијата ја барала повеќе од 10 години, утринава била уапсена 65-годишната Бранка П. од Скопје, која се барала со централна, но и меѓународна потерница, дознава “Фокус”.

Полицијата трагала по Бранка затоа што требало да одлежи 17 годишна казна затвор, за даночни измами и затајувања.

Екипите за потраги при ЕВР Кисела Вода утринава ја лоцирале, по што набрзо била уапсена. Дознале дека во Македонија влегла пред два дена, а ја уапсила откако отишла на помен кај својот починат сопруг.

Претходно постојат сомнежи дека бегалката со години се криела во Белград и Сремска Митровица.

В.В.