МВР информира дека синоќа околу 20 часот во близина на с. Мрзенци, Гевгелиско, полициски службеници го лишиле од слобода М.К.(21) од Скопје поради сомнение за сторено кривично дело „криумчарење мигранти“ по член 418 од Кривичниот законик.
Претходно, кај с. Негорци, Гевгелиско, полициски службеници дале знак за запирање на патничко возило „фолксваген пасат“ кое M.K. го управувал, но тој продолжил со движење и во близина на Негорци го запрел возилото и се обидел да побегне, по што бил фатен и лишен од слобода.
При преглед во возилото биле пронајдени седум лица мигранти, од кои четири од Сирија, еден од Непал, еден од Египет и еден од Палестина.
Лицето било задржано во полициска станица, а мигрантите биле пренесени во Прифатно-транзитен центар во Гевгелија.
Според надлежните, по целосно документирање на случајот, во координација со јавен обвинител, против него ќе биде поднесена соодветна пријава.
