Силјановска: Длабоко ме потресе веста за Беличанец, ќе остане запаметена и како една од ретките жени градоначалнички

by fokus 11:47
11:47

Професорката Гордана Силјановска Давкова која е и кандидат на ВМРО-ДПМНЕ и Коалицијата за претседател на претстојните избори, се прости од Билјана Беличанец Алексиќ која вчера си го одзеде животот.

„Секоја загуба боли. Веста за секоја смрт погодува. Но, најголем вознемир предизвикуваат вестите за нечија прерана смрт. Посебно кога смрта не била судбина…

- Advertisements -

Длабоко ме потресе веста за заминувањето на личност како Билјана Беличанец-Алексиќ, чиј лик и глас допирал во секој наш дом, кој ни станал близок и кој ќе ни остане врежан во сеќавањата. Таа имаше уште толку многу да ни даде нам и на театарската уметност.

Но, ќе остане запомнета, меѓу другото, и како една од ретките жени градоначалнички во Република Македонија. Нека почива во мир“, напиша Силјановска Давкова.

Поврзани новости