Политичките лидери да се ангажираат во преговорите водени од еврокомесарот Јоханес Хан за надминување политичката криза во Македонија, која го отежнува евроатлантскиот пат на земјата. Ова денеска во Виена го истакна министерот за надворешни работи на Германија, Франк-Валтер Штајнмаер во врска со преговорите на еврокомесарот Хан со четворицата македонски партиски лидери кои се одвиваат денеска во Скопје, пренесе МИА.

– Би било штета, а и чекор назад за целиот регион на Западниот Балкан, доколку политичката криза во Скопје, која трае извесен период, би го отежнала натамошниот пат на земјата кон евроатлантските структури. Но, тоа не смее да биде последниот збор. Затоа ги повикувам сите страни сега да ги приближат ставовите и да учествуваат на денешните преговори на комесарот Хан со цел да се надмине кризата и да се одржат избори кои на сите им обезбедуваат исти можности – порача Штајнмаер.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.