Шилегов позитивен на корона вирус: Се надевам дека не сум го пренел на никого

Градоначалникот на Скопје, Петре Шилегов попладнево објави дека бил тестиран на корона вирус и тестот е позитивен.

-Почитувани, би сакал да ве известам дека и покрај сите мерки кои што се преземаа од моја страна за моја лична и заштита на луѓето околу мене, сепак не успеав да се себезаштитам од Ковид 19. Искрено се надевам дека вирусот го немам пренесено никому. Денешното тестирање покажа позитивен резултат. Клиничката слика е добра, со благо покачена телесна температура и без потреба од хоспитализирање. Ова е доказ дека вирусот не смее да се потцени и дека мора секој од нас да внимава. Чувајте се и чувајте ги другите околу вас, порача Шилегов.