Шеф на украинската служба за безбедност е пронајден мртов

Регионалниот шеф на украинската служба за безбедност (СБУ), Олександр Наконечни е пронајден мртов во регионот Кировоград во централна Украина.

Јулија Ткач, портпаролката на локалната администрација ја информирала јавноста за смртта на висок функционер на СБУ, објави украинскиот сајт Бабел.

СБУ и Државното биро за истраги се обидуваат да ги утврдат околностите под кои настапила смртта.

„Откако ќе се соберат и анализираат сите информации, ќе ја информираме јавноста“, рече Ткач.

Украинските медиуми пренесуваат дека тој имал прострелна рана и дека неговото тело го пронашла сопругата во семејниот дом.