Шарената револуција ќе стигне до резиденцијата на Иванов?

Започна уште еден протест од Шарената револуција, а од 18 часот граѓани се собираат пред канцелариите на Специјалното јавно обвинителство. Од таму тие ќе поминат пред народната кацеларија на претседателот Ѓорѓе Иванов за да го потсетат дека едно од нивните главни барања е тој да ја укине општата аболиција со која ги ослободи од вина сите политичари и нивни соработници.

Потоа, демонстрантите ќе продолжат кон Собранието, а дефинитивната рута се уште не се открива. Меѓу демонстрантите се зборува дека ќе се упатат и кон претседателската резиденција на Водно.