Сопственикот на првиот приватен Универзитет ФОН, сега веќе Американски универзитет на Европа (АУЕ), Сефер Цаноски стана татко по трет пат.
Неговата сопруга Сезен на свет ја донела ќерката Адила Дефне, а среќниот татко ја сподели веста на социјалните мрежи, со желби таа да биде жива, здрава и бериќетна.
Бизнисменот, кој од првиот брак има две деца, со убавата Сезен се ожени во 2018 година.
Тогаш за ,,Фокус,, раскажа дека се сретнале случајно, во Истанбул, и им се случила љубов на прв поглед.
Првата ќерка ја добија во 2019 година, и раскажаа дека нивното животно мото е дека без љубов не може да се живее, функционира , ниту работи.
-Никогаш не мислев дека ќе се омажам, ниту пак дека ќе раѓам во Македонија. Но, ете, животот е непредвидлив. Од она што досега го видов и доживеав во оваа прекрасна земја, можам да кажам дека мој заклучок е како на Македонија и е потребна љубов и почитување – ни изјави Сезен пред три години, само две недели пред раѓањето на своето прво дете.
Вики Клинчарова
