Села: Не сакаме власт зашто убаво зборуваме, туку одговорно да раководиме

Вистинската опозиција не е Алијансата за Албанците, туку секој граѓанин кој не е дел од владата, изјави лидерот на Алијансата за Албанците Зијадин Села за време на посетата на липковските села Никуштак, Хотла, Виштица и Ропалце.

-Нашата цел е да го направиме секој Албанец победник. Ние не бараме власт затоа што убаво зборуваме, туку затоа што сакаме со потполна одговорност да раководиме и да одговориме за нашите дела. Ние сме подготвени да преземеме одговорност. Ние сме подготвени и правиме напори да ја гарантираме победата заедно со другите субјекти – рече Села.