Секој фудбалер на Германија ќе добие по 400 илјади евра за победа на СП 2022

Познат е наградниот фонд на германската репрезентација на Светското фудбалско првенство кое оваа година ќе се игра во Катар.

Германскиот фудбалски сојуз (ДФБ) соопшти дека секој играч ќе добие по 50.000 евра за победа во групата, 100.000 евра за пласман во четвртфиналето и 150.000 евра за пласман во полуфиналето.

За третото место премијата достигнува 200.000 евра, а за т.н. вицешампион 250.000 евра. Секој играч ќе добие по 400.000 евра за победа на Мундијалот.

Германија ќе игра во Е-групата со Шпанија, Јапонија и Костарика.

Светското првенство ќе се игра од 20 ноември до 18 декември.