Се евакуираат жителите на Дива населба во Куманово

Во изминатиот час, полицијата ги евакуираат жители од Дива населба во Куманово, каде денеска се одвива полициска акција против, како што извести МВР, вооружена терористичка група, која е позиционирана во куќите.

Полицијата им помага на жителите да се засолнат, како и на медицинските екипи да стасаат побрзо до повредените полицајци.

Во моментот се уште трае полициската акција, а од МВР посочија дека наскоро ќе оддржат нова прес-конференција за јавноста. На првата прес -конференција, портпаролот на МВР, Иво Котевски, не откри колку припадници на безбедносните сили и цивили се повредени, а не откри ниту дали има загинати, како што шпекулира јавноста.