СДСМ: По повлекувањето на Даути нема пречки за формирање на телото за медиуми

Откако Даут Даути објави дека се повлекува од трката за петти член на ад хок телото за медиуми, од СДСМ излегоа со реакција дека сега веќе нема пречки тоа да се комплетира.

-Го поздравуваме повлекувањето на Даут Даути од кандидатурата за петти член на Ад хок телото за мониторинг на медиуми за време на избори. Со тоа, веќе не постои натамошна пречка, четворицата избрани членови да го изберат единствениот преостанат кандидат и да го комплетираат составот на телото, се вели во соопштението од СДСМ.

Утрово Даут Даути со писмо до Агенцијата за аудио и аудио-визуелни медиумски услуги соопшти дека се откажува од трката за петти член на ад хок телото. Сега во трката остана само Сефер Тахири.