Поради игнорантскиот однос од страна на надлежните за решавање на проблемот со мизерните услови за учење за учениците Македонци во тетовската гимназија „Кирил Пејчиновиќ“, родителите на учениците соопштија дека на први септември ќе одржат протест и наставата нема да започне.
-И покрај сите наши преземени чекори до сите надлежни институции редоследно и после скоро две години од нашите барања за трајно решавање на просторниот проблем на Гимназијата Кирил Пејчиновиќ од Тетово се одлучивме на протестен марш кој ќе започне во 8 часот на 1 ви септември во дворот на Работничкиот универзитет Кочо Рацин каде се наоѓаат канцелариите на Бирото за развој и образование и инспекциските служби на МОН до општинската зграда во Тетово, се вели во повикот од родителите и професорите на учениците.
Тие најавија дека доколку и после овој протестен марш продолжи игнорантскиот однос, ќе следи целосен бојкот на наставата.