СДСМ ќе отвори пунктови за собирање на помош за поплавените подрачја

Од најголемата опозициска партија СДСМ испратија соопштение во кое информираат дека ќе отворат  пунктови за собирање на хуманитарна помош за настраданите семејства (вода, конзервирана храна, средства за хигиена и други неопходни средства).

Сите општински организации на СДСМ ќе бидат отворени за соработка и преку надлежните институции заедно да им помогнеме на настраданите.

– Во овие тешки моменти апелираме на граѓанска солидарност и взаемна помош за справување со тешките последици и санирање на штетите – се наведува во соопштението на СДСМ.