СДСМ: Груевски не собра храброст да се соочи со вистината

by Фокус 11:07
11:07

Никола Груевски не собра храброст да се соочи со вистината дека нема услови за фер и демократски избори, реагира СДСМ по објавувањето на оценката дека нема услови за избори на 24 април и откако претседателот на ВМРО-ДПМНЕ, Никола Груевски, не се појави на лидерската средба.

-Оценката на Европската унија и САД дека во овој момент потребните услови за организирање на кредибилни избори на 24 април не се исполнети и констатацијата дека се уште не е постигнат договор за реформи на медиумите е директна потврда на она што граѓаните веќе го знаат. Не се создадени услови за фер избори на 24 април, се додека не се прочисти избирачкиот список и нема реформи во медиумите. Уште еднаш се покажа, ВМРО-ДПМНЕ и Никола Груевски се единствените кои од самиот почеток го кочеа процесот на имплементација на договорот од Прижино, се вели во соопштението на СДСМ.

- Advertising -

Од СДСМ додаваат дека  граѓаните сега со право очекуваат да се исполнат сите услови за фер и демократски избори преку навремено прочистување на избирачкиот список и преку навремена регулација на медиумите, а правото на слободни избори и демократски изразеното право на глас на секој граѓанин во Република Македонија мора да биде обезбедено и гарантирано.

Поврзани новости