СДСМ: Груевски ги злоупотребува медиумите за пропаганда и потоа ги уништува

by fokus 16:00
16:00

Социјалдемократскиот сојуз на Македонија изрази сериозна загриженост по информациите за отпуштања на новинари и медиумски работници или целосно згаснување на Утрински весник.

-Власта на обвинетиот Груевски ги злоупотребува медиумите за свои цели и своја пропаганда, а потоа ги уништува и затвора. Посебно алармантно е што ова се случува на само еден месец пред предвремените парламентарни избори кога улогата на објективните и професионални медиуми е најпотребна за вистинско информирање на граѓаните и носење одлука. Правото на слобода на говор и слободно новинарство е од особено значење за функционална демократија. Бараме да се почитуваат правата на новинарите и медиумски работници и да се обезбедат услови за нивна непречена работа, се вели во соопштението на СДСМ.

- Advertisements -

Од партијата потсетуваат дека Македонија е во групата на неслободни земји според Фридом Хаус, и на 118-то од вкупно 180 места на листата на Репортери без граници, во друштво на Замбија, Нигерија, Конго, Катар и Авганистан.

Поврзани новости