СДСМ: ДПМНЕ може „да се пофали“ само со провизиите за автопатите

ВМРО-ДПМНЕ во инфраструктурата може ,,да се пофали” само со договорените провизии, пропустите на автопатите и пустошот што го остави зад себе, реагираат од СДСМ.

„Експресниот пат Крива Паланка – Ранковце е дел од инвестицискиот циклус од 270 милиони евра на Владата предводена од СДСМ со којшто се градат или реконструираат 60 патни правци во вкупна должина од 800 километри низ целата држава. Ако сакаше, ВМРО-ДПМНЕ ќе го изградете овој патен правец, како и многу други автопати, но очигледно дека на ВМРО-ДПМНЕ побитни им беа провизиите и криминалните тендери отколку реалните потреби на граѓаните и затоа опозициската партија денес нема грам кредибилитет да зборува за инфраструктурата“ – се наведува во соопштението од СДСМ.