СДСМ: Директорот на Комуналец во Паланка потрошил 250 000 денари по кафани

by fokus 14:31
14:31

Социјалдемократскиот сојуз денеска обвини дека директорот на ЈП „Комуналец” од Крива Паланка, Томе Тодоровски се расфрлал со парите од јавното претпријатие.

Борјанчо Мицевски од СДСМ Крива Паланка на денешната прес-конференција покажа фактури според кои, како што тврди, директорот од почетокот на годината до сега, потрошил 250 илјади денари само по кафани.

- Advertisements -

-Погледнете ги овие фактури. Тие се доказ како директорот на ЈП Комуналец од Крива Паланка, Томе Тодоровски, кадар на ВМРО-ДПМНЕ, се расфрлал со парите на граѓаните. Со пари од јавното претпријатие директорот купил фен, пегла за коса, мемори дипломат душеци со вредност од 600 евра. Правел гозби по ресторани и кафеани. Како што покажува овој документ, само во првите 6 месеци од оваа година, Тодоровски потрошил скоро 250 илјади денари по кафеани и ресторани. И тоа не само во Македонија, туку и во странство. Со парите на граѓаните Тодоровски си плаќал сметки во угостителски објекти во Скопје, Куманово, Свети Николе, Пробиштип, Виница, Прилеп, во соседна Србија во Врање, Белград, Врњачка Бања, Предејане, но и во Бугарија, Австрија, Германија и секаде каде што ќе стасал. Прашањето е, со кои економски активности ќе ги оправда овие трошоци – рече Мицевски.

Тој додаде и дека членовите на Управниот и Надзорниот одбор на ЈП „Комуналец“ не презеле ништо за „расипничкото работење” на директорот Тодоровски.

Поврзани новости