738
Државната изборна комисија попладнево ги објави поднесените кандидатски листи за претстојните локални избори. Според статистиката, само 8,68 отсто од кандидатите за градоначалници се жени. Дури 91,32 отсто од кандидатите се мажи.
Ситуацијата со родовата застапеност е подобра кога станува збор за кандидатите за советници, но и во оваа категорија доминираат мажите. Од кандидатите за советници, 55,13 отсто се мажи, додека 44,87 отсто се жени.
