Сакаме во НАТО, но прво да ги решиме проблемите со Русија, вели премиерот на Грузија

Грузискиот премиер, Иракли Гарибашвили на економската конференција во Катар изјави дека неговата земја е решена да влезе во НАТО, но прво мора да ги реши територијалните проблеми со Русија, јавија западни медиуми.

Грузија e позиционирана меѓу Русија на север и Турција, Ерменија и Азербејџан на југ.

Отцепените региони Абхазија и Јужна Осетија се меѓународно признати како дел од грузиската територија, иако неколку држави, вклучително и Русија, официјално ги признаваат како независни републики.