456
САД се подготвени да ги разгледаат новите санкции за Русија поради наводната вмешаност на таа држава во американските избори, изјави претседателот на Претставничкиот дом Пол Рајан.
– Спроведовме истрага за мешањето на Русија во нашите избори. Тие се вплеткаа, тоа е јасно, и за тоа не треба да постои сомнеж. Исто така е јасно дека тоа не влијаеше значително врз исходот на изборите. Како резултат на тоа, наметнавме санкции кон Русија, за да ги држиме за одговорни, изјави Рајан.
Тој посочи дека ако има некои други опции за санкциите дека ќе размислат за тоа.
Изјавата на Рајан доаѓа по билатералната средба меѓу американскиот претседател Доналд Трамп и неговиот руски колега, Владимир Путин, во Хелсинки, што се одржа вчера.