Руската амбасада: Изјавата на Заев е политички неодговорна, русофобијата станува алатка на политиката

Руската амбасада во Скопје попладнево реагираше на изјавата на македонскиот премиерот Зоран Заев дека руски бизнисмени плаќале за насилни протести против Договорот со Грција.

-Изјавата на Зоран Заев ја сметаме за политички неодговорна. Таа ја става под знак прашалник искреноста на заложбите на македонската влада за градење добри односи со Русија. Со жалење констатираме дека русофобијата се повеќе станува алатка во надворешната, а и во внатрешната политика, напишаа од руската амбасада на Твитер.