Русија со закана кон земјите кои и даваат помош на Украина

Кремљ во понеделникот соопшти дека украинскиот народ ќе страда ако Западот испрати тенкови во Киев за одбрана на Украина.

Ова го истакна портпаролот на Кремљ, Дмитриј Песков кој додаде дека поделбите во Европа околу испраќањето тенкови во Киев покажуваат дека „нервозата“ расте во НАТО.

„Украинскиот народ ќе ја плати цената за сета таа поддршка. Земјите кои учествуваат, директно или индиректно, во испраќањето оружје во Украина и подигнувањето на нејзиното технолошко ниво се одговорни (за продолжување на конфликтот)“, додаде Песков.