Русија го прекина железничкиот сообраќај со Кина

Русија го прекина железничкиот сообраќај со Кина, освен возот на релација Москва – Пекинг, за да го спречи ширењето на новиот коронавирус, изјави руската вицепремиерка Татјана Голикова.

– Од полноќ го прекинуваме железничкиот сообраќај со Кина. Единствено ќе сообраќаат возовите на релација Москва – Пекинг и Пекинг – Москва, рече Голикова на прес-конференција.

Таа додаде дека Русија до петок ќе донесе одлука за воздушниот сообраќај со Кина.