Рочиште за незаконска набавка на софтверски систем за ЕЛЕМ

Денеска во Кривичниот суд треба да се одржи ново рочиште за случајот „Тарифа“ на Специјалното јавно обвинителство, во кое обвинети се екс директорот на ЕЛЕМ, Дејан Бошковски и уште две други лица.

Тие се обвинети за незаконска набавка на софтверски систем за потребите на ЕЛЕМ вреден околу четири милиони евра. Тие се товарат дека со неизвршување на службената должност овозможиле правно лице – конзорциум, иако немало доставено комплетна документација да се квалификува во втората фаза на преговарање при јавната набавка, а подоцна истото го добило тендерот.