Ристовски: Законот за судови е договаран и со ВМРО-ДПМНЕ, треба да се појават на седницата во вторник

Заменик министерот за правда Оливер Ристовски очекува опозицијата да биде присутна на собраниската седница во вторник на која ќе се разгледува законот за судови за чие донесување е неопходно двотретинско мнозинство.

– Колку што знам опозицијата ќе се појави во вторник на пленарна седница токму за законите за кои е неопходно двотретинско мнозинство. Законот во целост е усогласен со нив и секако мора да бидат присутни на седницата, изјави Ристоски по пуштањето во употреба на новиот Кривичен суд во Скопје.