Расте бројот на заболени од Ковид во Србија

Докторката Снежана Јовановиќ од лабораторијата „Огнено око“ утринава изјави дека во последните две недели има зголемување на бројот на тестови за коронавирус на дневна основа во Србија и дека е „малку загрижувачки“ што околу 20 проценти од примероците се позитивни.

Таа за РТС изјави дека работната група „Ковид“ ќе се состане следната недела.

Во меѓувреме, Институтот за онкологија и радиологија на Србија од петок повторно ја забрани посетата на таа институција поради зголемениот број на заболени од коронавирусот.