Рангелова: Треба да одговараат луѓето за 27 април, но не за тероризам

Настаните од 27 април 2017 година не треба да се повторат, не само во Македонија, туку во која било земја, порача поранешната пратеничка од ВМРО-ДПМНЕ, Даниела Рангелова, на 4-годишнината од упадот во Собранието. За разлика од нејзините сопартијци, таа го осудува насилство, но не се согласува со тоа обвинетите да се гонат за тероризам.

-Јас нема да кажам дека не се случи насилство за разлика од колегите и ќе го осудам. Мислам дека луѓето треба да одговараат за насилство, а не за тероризам. Точно е дека се случи насилство и е грозно кога го гледате тоа на телевизија – изјави Рангелова на Канал 5.