Поранешниот пратеник Исмен Рамадани на денешната трибина на коалицијата „Можеме“ изрази поддршка до лидерот на СДСМ Зоран Заев, бидејќи Заев, според Рамадани, ги деблокирал евроатланските интеграции.
-Влезот во НАТО обезбедува стабилност и безбедност. Во овие 70 години ниту една земја членка на НАТО не била нападната. Стабилноста и безбедноста со НАТО ќе ги направи младите многу покреативни, потолерантни и покооперативни. Благодарение на концептот што го предводи Заев, ние денеска имаме стабилни, хармонични меѓуетнички односи. Ние денеска имаме најдобри добрососедски односи и немаме проблем со ниту една соседна земја. Со храброста која ја покажавме и со Договорите со Грција и Бугарија се отворија портите и ние галопиравме кон НАТО, сега како членка на НАТО галопираме кон ЕУ – порача Рамадани.
Тој додаде дека ВМРО-ДПМНЕ никогаш не била искрена за НАТО.
-ВМРО-ДПМНЕ никогаш немале намера да одиме кон НАТО, затоа што биле преокупирани да создаваат криминални структури, да ја пљачкаат државата, а ист е случајот и со ДУИ нивниот коалиционен партнер во 10 години владеење – истакна тој.