Поранешниот вработен во „OceanGate“ Дејвид Локриџ пред неколку години испратил е-пошта на друг поранешен вработен во компанијата во која изразил загриженост за можни дефекти на подморницата Титан.
„Не сакам да звучам како детиште, но толку сум загрижен дека ќе се убие себеси и другите во неговата потрага да го „надува“ своето его“, напиша Локриџ за извршниот директор на OceanGate, Стоктон Раш.
Локириџ работел како независен изведувач за „OceanGate“ во 2015 година, а потоа и како вработен помеѓу 2016 и 2018 година, објави CNN. Наскоро тој се вплетка во судски спор со „OceanGate“ тврдејќи дека бил неправедно отпуштен поради загриженост за безбедноста и тестирање на Титан.
„Би се сметал себеси за прилично храбар кога станува збор за опасни работи, но таа подморница е само несреќа што чека да се случи. Не можеа да ми платат ниту да ја потонам таа подморница“, напиша Локриџ во е-пошта до Роб МекКалум.
МекКалум, кој ги водеше експедициите на Титаник, го предупреди Раш во 2018 година за безбедноста на подморницата Титан, велејќи му на извршниот директор дека се става себеси и неговите клиенти на ризик.
За потсетување, „OceanGate“ имаше околу 1 час и 45 минути во планираното нуркање за да се спушти до остатоците на Титаник кога изгуби контакт со својот мајчин брод на 18 јуни.
Неколку дена подоцна, официјални лица потврдија дека Титан претрпел „катастрофална имплозија“.
Сите пет членови на екипажот загинаа: Раш, британскиот бизнисмен Хамиш Хардинг, францускиот нуркач Пол-Анри Наргеолет, пакистанскиот милијардер Шахзада Давуд и неговиот 19-годишен син Сулејман Давуд.