Раб: Велика Британија нема да ги напушти граѓаните на својата поранешна колонија Хонг Конг

Велика Британија нема да го сврти грбот на обврските што ги презеде во својата поранешна колонија во Хонг Конг, изјави денеска британскиот министер за надворешни работи, Доминик Раб, кој оцени дека Кина ги прекршила ветувањата со новиот закон за безбедност.

Според тој закон, обид за отцепување и бунт, ќе се смета за кривично дело за кое е можна казна доживотен затвор,

„Кина одлучи да го прекрши ветувањето што го даде на народот во Хонг Конг и да оди против она на што се обврза пред меѓународната заедница“, напиша Раб на Твитер.

Претходно Раб изјави дека сака да ги види деталите од новиот закон пред да донесе одлука за следните чекори.