По распродадените концерти ширум Европа, Јасмин Леви се враќа на Балканот и на седми април (недела) за првпат настапува во Скопје, во салата на Македонската филхармонија.
Концертот на оваа светски позната изведувачка очигледно се очекува со големо нетрпение во земјата на сонцето, вината, езерата и добрите луѓе, бидејќи за настапот што ќе се одржи во недела се бара карта повеќе, велат организаторите.
Додаваат дека поради тоа, Јасмин во Македонија пристигнува со посебна емоција, подготвена да ги исполни своите најголеми хитови „Una noche mas“, „Adio kerida“, „Alegria“, но и песните од необјавениот албум „Mujer“, кои засега може да се слушнат исклучиво на нејзините концерти.
– Дозволете ми да ве одведам на поинакво патување од вашиот секојдневен живот… Ќе уживате! – порачува Леви пред секој свој концерт.
-Славната уметница ја води публиката на уникатно патување исполнето со силни емоции и солзи, но и со смеа и искрена радост, какви што предизвикуваат вистинските уметнички дела, а тоа се токму нејзините концерти кои секогаш се проследени со стоечки овации и неколку враќања на бис.
Скопје може да го очекува истото од музичката дива во чија музика се испреплетени звуците на тангото и фламенкото, но и старите сефардски песни, истакна гранизаторите, кои порачуваат дека сè e подготвено за концертот.
Концертот се реализира со поддршка на генералниот покровител, компанијата МТЕЛ.
Вики Клинчарова