Променливо облачно, попладне дожд

Променливо облачно, на повеќе места особено попладне и во вечерните часови ќе биде нестабилно со пороен дожд, грмежи и засилен ветер. Локално процесите ќе бидат и во форма на невреме, со интензивен пороен дожд, силен ветер и услови за појава на град, Врнежите ќе продолжат и преку ноќта и ќе бидат пообилни во западните делови.

Денес ќе дува и умерен до силен југоисточен ветер најизразен долж Повардарието.

Температурите ќе достигнат до 33 степени.

Во Скопје преку денот со повремено засилен променлив ветер. Претпладне ќе биде променливо облачно, попладне и во вечерните часови нестабилно со пороен дожд и грмежи, во делови од котлината со услови за појава на невреме. Врнежите ќе продолжат и преку ноќта.