Продолжува судењето за затајување данок на фирмите на Латас

На обвинителна клупа во Судот денеска треба да седне и новинарот Драган Павловиќ-Латас, кој е осомничен во предметот „Тотал“.

Претходните три рочишта за овој случај не се одржаа, бидеќи не присуствуваше Павловиќ-Латас поради здравствени и семејни причини.

Според обвинението на СЈО, осомничениот давал лажни податоци во завршните сметки и даночните пријави при што преку правните лица затаил данок во износ од 7.466.981 денар или 121.414 евра, а лично физичкото лице затаило 3.876.471 денар или 63.032 евра.