Приведени тројца дилери во Скопје

Полицијата вчера приведе три лица-дилери на марихуана и кокаин.

Како што информираат од МВР, во центарот на Скопје приведен е Д.М.М. (36) роден во Белград, бидејќи кај него е пронајдена кеса со остатоци од марихуана.

Во координација со скопското обвинителство, извршен е претрес во дом на Е.Р. од Скопје и притоа е пронајден кокаин и над еден килограм марихуана.

Во дворот на објектот, пак, е лишен од слобода и А.П. (33) од Скопје, кај кого е пронајдена марихуана.

По документирање на случајот, ќе бидат поднесени соодветни поднесоци.