Приведени две момчиња затоа што украле кабел од Радио Кочани

Две момчиња од Кочани се уапсени затоа што постои основано сомнение дека двапати по ред украле кабел од Радио Кочани, пренесуваат од МВР.

„На 19.07.2021 по преземени мерки и активности полициски службеници од ОВР Кочани ги привеле С.М.(19) и М.А.(21) двајцата од Кочани, поради постоење основи на сомнение дека во  два наврата, на 17.07 и 18.07.2021, извршиле кривични дела „тешка кражба“ на електричен кабел од Радио Кочани, кој бил наменет за напојување на опремата на радиото. По комплетирање на случаите, против С.М.и М.А. ќе бидат поднесени соодветни кривични пријави за сторени две кривични дела „тешка кражба““, велат од МВР.