Приведен е скопјанец бидејќи на улица пукал кон друго лице

Полицијата го приведе 24-годишниот скопјанец кој на 2 ноември, на улицата „Цветан Димов“ во Скопје, испука неколку куршуми кон друго лице.

„СВР Скопје- Единица за насилен криминал го лиши од слобода К.Л. (24) од Скопје и го расчисти кривично правниот настан од 2.11.2020, кога беше пукано кон куќата на А.К. По добиената пријава, веднаш се преземени соодветни мерки и активности и од страна на полициски службеници од СВР Скопје е приведен К.Л., а кај него е пронајдено и оружјето со кое го извршил делото“, информираат од МВР.

Против К.Л. е поднесена кривична пријава, а судија на претходна постапка му одреди мерка притвор од 30 дена.