Пристигнаа вакцините од Турција

Денеска пристигнаа најавените 30.000 вакцини на „Синовак“ кои ги добивме како донација од Турција, соопштија од Министерството за здравство.

Вакцините во најкраток рок ќе бидат дистрибуирани до вакциналните пунктови ширум државата, а од министерството упатија порака за благодарност до Република Турција и претседателот Реџеп Таип Ердоган за поддршката и за брзата испорака на ветената количина.