Принцот Едвард од британското кралско семејство доаѓа во Македонија

Принцот Едвард, ерл од Весекс, од британското кралско семејство ќе дојде во дводневна посета на Македонија на 15-ти и 16-ти мај.

„За време на престојот на неговото височество во Северна Македонија ќе се одржи средба со високи државни лидери и претставници од граѓанскиот сектор. На неговото височество ќе му бидат презентирани примери од помошта што Велика Британија и ја дава на Северна Македонија во областа на образованието, раниот детски развој, како и проекти кои ги поврзуваат двете земји од животната средина и уметностите“, најавуваат од британската амбасада во Скопје.

Принцот Едвард е најмладиот од четирите деца на кралицата Елизабета Втора и Принцот Филип. Тој е десетти по ред во линијата наследници на круната.