Снимката направена денеска од граѓанскиот синдикат ОДРАЗ (организација за демократска реакција и асоцијација на здруженија) покажува дека низ улиците на Прилеп од возило на Брза помош се вее партиското знаеме на ВМРО-ДПМНЕ. Амбулантното возило се движело низ центарот на Прилеп, а активистите од ОДРАЗ го следеле низ улиците.
За овој случај јави порталот Револуционер.
Влатко Ристески, претседател на ОДРАЗ, вели дека немале ни малку сомнеж дали да го објават видеото и регистерските таблички на амбулантното возило, со оглед на тоа што станува збор за злоупотреба на државни ресурси за партиски цели.
„Тоа е возило на граѓаните, намената е да ги пренесува болните лица, па оттаму немавме никаква дилема дали да ја објавиме снимката и бројот на регистерските таблички“, вели Ристески.
Од ОДРАЗ прашуваат кој е тој што дозволил службено возило на Брза помош да вее партиски знамиња, зошто возилото било амортизирано за партиски цели наместо да интервенира кај болни лица, а воедно бараат одговорност од градоначалникот Гоце Јонзоски и од министерот за здравство Никола Тодоров.
Тука можете да ја погледнете снимката од возилото на Брза помош снимено низ прилепските улици.
