2
Швајцарскиот министер за надворешни работи и претседавач со ОБСЕ, Ињацио Касис, понуди организацијата да помогне во разговорите меѓу Македонија и Бугарија.
Касис во Скопје се сретна со шефот на македонската дипломатија Тимчо Муцунски.
На заедничката прес-конференција, Муцунски рече дека дијалогот со Софија е во тек и дека го поддржуваат европските институции и дел од земјите членки на ЕУ.
Според него, Скопје разговара врз основа на позициите што веќе им ги соопштило на европските партнери. За разговорите засега нема јавно соопштен рок.
Понудата на Касис доаѓа два дена по објавувањето на извештајот на Европската комисија, во кој повторно се наведува дека уставните измени остануваат услов за следниот чекор во пристапните преговори на Македонија.