Времето денеска ќе биде сончево со мала до умерена облачност, информираат од Управата за хидрометеоролошки работи.
Од пладневните часови претежно во планинските региони ќе биде променливо облачно со локални врнежи од дожд, кои краткотрајно ќе бидат поројни, а во одредени делови, особено во јужниот дел од земјата ќе има услови за ретки грмежи.
Ќе дува и слаб до умерен ветер од северен правец. Утринските температури ќе бидат од 0 до 8 Целзиусови степени, а во текот на денот ќе достигнат од 11 до 22 Целзиусови степени.
Во Скопје, времето денеска, ќе биде сончево со мала до умерена облачност и со услови за појава на краткотраен дожд. Ќе дува слаб до умерен северозападен ветер.
Температурата во Скопје денеска ќе биде од 8 Целзиусови степени наутро, до 20 Целзиусови степени во текот на денот.