Посевите и пластениците во Муртино и Сачево најпогодени од вчерашното невреме

Посевите на отворено и пластениците во атарите на селата Муртино и Сачево се најпогодени од вчерашното невреме што го зафати струмичкиот регион.

Посевите на отворено настрадаа од градот, а од силниот ветар се искинати најлоните на пластениците.

Во селото Сачево откорнати се дрвја, а на повеќе покриви се искршени керамидите.

Од Центарот за управување со кризи во Струмица информираат дека Противпожарната единица на Струмица интервенирала со испумпување на вода од три подруми во Струмица.

Во градот вчера под вода беше улицата „Младинска“, а штети имаше и на позната „Леблебеџиска улица“. И на двете места интрвенираа екипи на ЈКПД„Комуналец“ со механизација и водата е отстранета.