Никола Груевски ме уценуваше со деветгодишна затворска казна за мојот зет за сестра во политички монтираниот случај „Музеј“, потврди за „Фокус“, претседателката на ДОМ, Лилјана Поповска.
– Во 2014-та година донесовме одлука на изборите да одиме сами, но тогаш добив уцена со тоа што ни направија судско-полициска местенка и ни уапсија пола раководство на партија меѓу кои и мојот зет за сестра Перо Јосифов и ги пикнаа во притвор за комичен монтиран случај од кој им се закануваше затвор од десетина години на секој од нив. Верувам сега кога ќе си го вратам филмот дека Груевски и Сашо ни ги слушале телефоните и дознале дека планираме да ја напуштиме коалицијата. Тие луѓе одлежаа две години и три месеци во притвор без потреба и тужеа во Судот за човекови права во Стразбур. Од таму добија и сега државата треба да им плати оштета за несоновано држење во притвор – истакна Поповска.
Таа додава дека инсталациите во судот и понатаму продолжуваат да функционираат и да линчуваат невини луѓе.
