Понеделник ден на жалост во Косово, Османи ја прекина посетата на Јапонија

by fokus 17:01
17:01

Косовската претседателка Вјоса Османи го прогласи понеделник, 26 јули, за ден на жалост во државата, во знак на почит за граѓаните на Република Косово кои го загубија животот во тешката сообраќајна несреќа што се случи утрово во Хрватска, јави дописникот на МИА од Приштина.

Во соопштението од претседателскиот кабинет исто така се наведува дека по несреќата, во која животот го загубија десетмина косовски печалбари во Германија, Османи ќе ја прекине посетата на Јапонија, каде што престојува по повод Олимписките игри, и утре ќе се врати во земјата.

- Advertisements -

Автобусот со косовски регистарски таблички, кој сообраќаше на релацијата Франкфурт – Приштина, утрово околу шест часот излета од патот и се преврте во близина на Славонски Брод, при што, според досегашниот биланс, загинаа девет патници и еден од двајцата возачи. Во болницата во Славонски Брод се примени на лекување 44 повредени патници, од кои 15 потешко. 

Поврзани новости