Во Гостивар владее тага и неверување по информациите дека Ненад Серафимоски, (28) од Зубовце и Горан Илиески (41) ги загубија животите во престрелките во Куманово.
Серафимовски, како припадник на специјалните единици (тигри) е меѓу првите жртви во полициската акција која вчера се одвиваше во Куманово. Постариот Илиевски, како припадник на единиците за брзо распоредување починал вчера попладне, откако како тешко ранет бил згрижен на скопските клиники.
Серафимоски денеска ќе биде погребан на селските гробишта во гостиварското село Зубовце во 14 часот, додека погребот на Илиески, според блиските на семејстото, откако телото ќе му биде предадено на семејството најверојатно ќе биде извршен утре.
Во Гостивар, атмосферата е мирна, но во разговорите на граѓаните најзастапени се коментарите за последните трагични случувања во Куманово