Министерството за внатрешни работи после објавата на Фејсбук на адвокатот Асмир Алипашиќ потврди дека притвореник во „Шутка“ починал откако побарал лекарска помош.
„На 30.08.2025 околу 15:30 часот во СВР Скопје од страна на вработен во КПУ Затвор Скопје е пријавено дека М.П. (54) од Д. Коњари, кој бил во притвор, побарал лекарска помош. Од страна на доктор од Итна медицинска помош во 15:58 часот била констатирана смрт, без траги на насилство“, информираа од МВР.
„Почитувани вечерва почина во притворското одделение на КПУ Затвор Шуто Оризари лице МИРСАД ПУШКА ( Mirsad Pushka) човек кој имаше дијагноза ТУМОР (РАК) корисник на ИНВАЛИДСКА ПЕНЗИЈА со МОЗОЧЕН УДАР кој патем немаше соодветна здравствена грижа и последните 5 месеци додека беше таму полека но сигурно умираше и страдаше во болки.
За сето тоа никој не обврнуваше внимание иако колегата АДВОКАТ ГОРАН ВАСИЛЕВСКИ правеше и направи се што требаше да укаже дека таков човек мора да биде ХОСПИТАЛИЗИРАН на КЛИНИКА но за жал никој не го сфаќаше сериозно.
Оддговорност мора да има.
Ги повикувам:
– МИНИСТЕРСТВОТО ЗА ВНАТРЕШНИ РАБОТИ !
– МИНИСТЕРСТВОТО ЗА ПРАВДА !
– УПРАВАТА ЗА ИЗВРШУВАЊЕ НА САНКЦИИ !
– ЈАВНОТО ОБВИНИТЕЛСТВО !
да го истражат овој трагичен настан кој заврши со загуба на млад човечки живот !“, напиша Алипашиќ.