Почина 71 годишник зад волан – му се слоши, па удри во неколку паркирани автомобили

Полицијата во Хрватска ги објави деталите за трагичната несреќа во која синоќа загина 71-годишен возач.

Околу 20:40 часот, маж возел во градот Трогир, кога удрил во неколку паркирани автомобили.

„Според досега утврдените информации, 71-годишниот возач возел автомобил кога најверојатно му се слошило додека возел и починал. Потоа возилото излетало од работ на патот и удрило во неколку паркирани возила“, потврди Сплитско-далманската полициска управа.

Наредена е обдукција, која ќе ја утврди точната причина за смртта.